شعر: پولدو پول ؛ استاد بنایی خسروشاهی
درباره سایت
آخرین مطالب
- خانه تاریخی افتخاری در خسروشاه و نیم نگاهی به محله ی بازار این شهر طی دو قرن اخیر
- اجازه نامه امام خمینی در امور حسبیّه و شرعیه به حجت الاسلام سید باقر خسروشاهی
- معرفی شاعر گرانقدر خسروشاهی ، قربان بنایی خسروشاهی
- اسامی و اماکن تاریخی باستانی خسروشاه
- پیامی به بخشدار شهردار و شورای محترم شهر خسروشاه
- پتانسیل حمل و نقل عمومی بخش خسروشاه به قلم آقای مسعود رشیدی
- نمایشگاه آثار خوشنویسی علی حسن زاده دیزجی از گزیده ی اشعار شاعران خسروشاه
- اسماعیل فتحی خسروشاهی
- خسروشاه
- زمزمه ای با همشهریان خسروشاهی .
امکانات وب
« خان عمی »
برچسبها: _خسروشاهی_قربان_بنایی_شاعر_بنایی_خسروشاه
بو زمانه منیم احوالیمی قاتدی خان عمی
گون باگون وئردی فشار یاخشی قوجالتدی خان عمی
بو آز عؤمروم ده زمانه ائله دی خسته منی
سالدی تئز حوصله دن قویدو زبان بسته منی
غصه و غم یئماغا ائیله دی سر دسته منی
دائما قویدو پریشان غمیم آتدی خان عمی
بو فشارات و غمه من ده داها قالمادی تاب
وضع دوران ائله دی قلب لری بس کی کباب
یاشاماق دنیادا بوندان بویانا اولدو عذاب
وای بیزه ایشلریمیز مشکله چاتدی خان عمی
عؤمردن لذت آپارماق مللته اولدو حرام
وضعه باخدیقجا گَلیر سوزِشه قلبیمده یارام
چوخ چَتین دیر منه بو مَهلکه دن جان قوتارام
بسکه غم لر منی سولدوردو ساراتدی خان عمی
روزگاری بئله گؤردوقجا منه غم گَلیری
بو ایشیق دنیا منیم گؤزلریمه چَم گلیری
فشاراتین چوخلوقوندان منه سَرسَم گلیری
نقشه نی وضع زمان گؤرنه یاراتدی خان عمی
هَره بیر یاندا پریشان دی آچیلمیر داماغی
دائما شام ناهارا غصه و غم دیر یئماغی
کبابا سپماغا گؤرمور قاباقین دا سوماقی
هَله گؤز گؤرمییه جاق غصه کوراتدی خان عمی
بیر نفر ائوله نه بیلمیر قالیب آواره تمام
ایسته سه ائوله نه واجیبدی ازل سالدیرا دام
بو مخارج لره هاردان یار آلار پولسوز آدام
آزجا دِه ء رستمعلی جشنی یوباتدی خان عمی
ایسته « بنایی» خدا ایشلری آسان ائله سین
کرم و فضلینی بو مللته احسان ائله سین
بو قارانلیق گونو اؤز نورو چراغان ائله سین
بو یاتان بختی او نور بلکه اویاتدی خان عمی
شعر : قربان بنایی خسروشاهی
برچسبها: _خسروشاهی_قربان_بنایی_شاعر_بنایی_خسروشاه
+ نوشته شده در سه شنبه سی و یکم مرداد ۱۳۹۶ساعت 7:32 توسط |