شعر: پولدو پول ؛ استاد بنایی خسروشاهی
درباره سایت
آخرین مطالب
- خانه تاریخی افتخاری در خسروشاه و نیم نگاهی به محله ی بازار این شهر طی دو قرن اخیر
- اجازه نامه امام خمینی در امور حسبیّه و شرعیه به حجت الاسلام سید باقر خسروشاهی
- معرفی شاعر گرانقدر خسروشاهی ، قربان بنایی خسروشاهی
- اسامی و اماکن تاریخی باستانی خسروشاه
- پیامی به بخشدار شهردار و شورای محترم شهر خسروشاه
- پتانسیل حمل و نقل عمومی بخش خسروشاه به قلم آقای مسعود رشیدی
- نمایشگاه آثار خوشنویسی علی حسن زاده دیزجی از گزیده ی اشعار شاعران خسروشاه
- اسماعیل فتحی خسروشاهی
- خسروشاه
- زمزمه ای با همشهریان خسروشاهی .
امکانات وب
تبریزین سونونجو بؤیوک دئپرمینده، ایندیکی «گوگان» شهرینین یاخینلیغیندا یئرلهشن، اؤز زامانیندا چوخ گلیشمیش بیر شهر کیمی تانینان «مزرع» شهری یئرله بیر اولدو. دئپرم اولدوغو زامان، شهرین حامامی قادینلارلا دولویموش. حامامین بیناسی محکم اولدوغو اوچون، دیوارلاری اوچمادان، تاوانی تؤکولمهدن، آنجاق یئرین ایچینه جوموب، تورپاغا قویلاندی. سانکی یئر آغزینی آچیب حامامی اوددو. حامامدا محبوس اولان قیز-قادینلار، أللرینده اولان مشربهلری یئره دؤیهرک، دیری اولدوقلارینی، یاردیم ایستکلرینی ائشیکدهکیلره چاتدیرماغا چالیشدیلار. ائشیکده ساغ قالان جاهیل کیشیلر، خانیملارین حامامدا چیلپاق اولدوقلارینا گؤره، اونلاری قورتاریب-قورتارماماق حاقدا ماحالین موللالاریندان فتوا ایستهدیلر. مجتهدلر ایسه دئییلن ندنه گؤره اونلارین قورتاریلماغینین حارام اولدوغونو بویوردولار. یازیق قادینلار، گئجه-گوندوز دایانمادان مشربهلرینی حامامین تکینه دؤیه-دؤیه، بیرهر-بیرهر جان وئردیلر. او شهردن تبریزین «آذربایجان موزئیی»-نده ساخلانیلان چوخلو أسکی آلتلر قالمیشدیر. همن موزئیین ساغ-سولوندا باشینی یئره تیکن، داشدان یونولان قوچ هئیکللری او محتشم شهرین قالینتیلارینداندیر. آشاغیدا اوخویاجاغینیز سربست، او قادینلارین هله ده عذاب چکن، دوستاق روحلارینا سونولور:
هله ده_
مشربهلرین سسی گلیر!
قیزجیغاز
آناسینین باشینا سو تؤکوردو_
یئر تیترهینده!
تانری
گؤزللرین قانینا سوسامیشدی
سانکی حوریلردن آچیق بوراخیلانی وار ایدی جنتده
یئنه کیشیلرین سوچونا جزالانیردی قادینلار
قیزلی-گلینلی
اوشاقلی-قاریلی
یاش دا یانیردی قورو اودونا.
یئر دالغالاندی
ناققا کیمی آچدی آغزینی
اوددو حامامین دیوارلارینی
مشربه لر سیمفونیاسی باشلاندی بیر آزدان
مایمونلار بوداقلاردا گزیردیلر
اونلار بیلمز دئپرمین نه اولدوغونو
آخرت دلاللاری سئویندیلر
تسبئحه سالیردیلار ساتدیقلاری قصرلری
سیمفونیا گئت-گئده هیجانلاندی
تانری دا دوروب باخیردی_
همیشه باخدیغی کیمی
سانکی یوخدور هئچ!
مایمونلار قولاقلارینی توتدولار
«هَلْ مِنْ ناصِرِ یَنْصُرْني»-نین تورکجهسی نه اولار؟!
«بیزیم گلین بیزدن قاچار...»
نه ایسه
اوتانج قویمور دئیم هاراسینی آچار!
اوچاقلار
مشربهسینی یئره قویانی گؤتوردولر
سیمفونیا حوزونله_
یاواشلاماغا اوغرادی
شهیدلرین غوسلو اولماز
تانری اؤزو
کوتلهوی باسدیردی قادینلاری
بیری «بی ام ت»-یه خبر وئرمهدی
ایندی
دونیانین ألی شیل اولدوغو کیمی_
گؤزو کور ایدی او زامانلار
هله ده مشربهلرین سسی گلیر
هله ده بیر سیرا مایمونلار بوداقلاردا گزیر
جنتین بورساسی دوشوک اولسا دا_
هله ده آل-وئر واردیر دین ساتان دوکانلاردا!
بیزیم موزئیلرده هر گون یاس تؤرهنی وار
آل بایراق سانجین موزئیلرین دامینا
او قادینلاراسا_
یوزلر ایلدیر
تبریزده
آذربایجان موزئیینده اوتوروبلار
یاس یییهسی قاپی اؤنونده دورار
اونلار دا_
ایللردیر ألی قوینوندا
ساغ-سولوندا دوروبلار قاپینین
أل قویورام اورهکلرینین اوستونه
هله ده_
مشربهلرین سسی گلیر!
برچسبها: هله ده مشربهلرین سسی گلیر
هله ده_
مشربهلرین سسی گلیر!
قیزجیغاز
آناسینین باشینا سو تؤکوردو_
یئر تیترهینده!
تانری
گؤزللرین قانینا سوسامیشدی
سانکی حوریلردن آچیق بوراخیلانی وار ایدی جنتده
یئنه کیشیلرین سوچونا جزالانیردی قادینلار
قیزلی-گلینلی
اوشاقلی-قاریلی
یاش دا یانیردی قورو اودونا.
یئر دالغالاندی
ناققا کیمی آچدی آغزینی
اوددو حامامین دیوارلارینی
مشربه لر سیمفونیاسی باشلاندی بیر آزدان
مایمونلار بوداقلاردا گزیردیلر
اونلار بیلمز دئپرمین نه اولدوغونو
آخرت دلاللاری سئویندیلر
تسبئحه سالیردیلار ساتدیقلاری قصرلری
سیمفونیا گئت-گئده هیجانلاندی
تانری دا دوروب باخیردی_
همیشه باخدیغی کیمی
سانکی یوخدور هئچ!
مایمونلار قولاقلارینی توتدولار
«هَلْ مِنْ ناصِرِ یَنْصُرْني»-نین تورکجهسی نه اولار؟!
«بیزیم گلین بیزدن قاچار...»
نه ایسه
اوتانج قویمور دئیم هاراسینی آچار!
اوچاقلار
مشربهسینی یئره قویانی گؤتوردولر
سیمفونیا حوزونله_
یاواشلاماغا اوغرادی
شهیدلرین غوسلو اولماز
تانری اؤزو
کوتلهوی باسدیردی قادینلاری
بیری «بی ام ت»-یه خبر وئرمهدی
ایندی
دونیانین ألی شیل اولدوغو کیمی_
گؤزو کور ایدی او زامانلار
هله ده مشربهلرین سسی گلیر
هله ده بیر سیرا مایمونلار بوداقلاردا گزیر
جنتین بورساسی دوشوک اولسا دا_
هله ده آل-وئر واردیر دین ساتان دوکانلاردا!
بیزیم موزئیلرده هر گون یاس تؤرهنی وار
آل بایراق سانجین موزئیلرین دامینا
او قادینلاراسا_
یوزلر ایلدیر
تبریزده
آذربایجان موزئیینده اوتوروبلار
یاس یییهسی قاپی اؤنونده دورار
اونلار دا_
ایللردیر ألی قوینوندا
ساغ-سولوندا دوروبلار قاپینین
أل قویورام اورهکلرینین اوستونه
هله ده_
مشربهلرین سسی گلیر!
رسول قدیری
یای-1395
برچسبها: هله ده مشربهلرین سسی گلیر
+ نوشته شده در پنجشنبه بیست و یکم مرداد ۱۳۹۵ساعت 8:42 توسط |
برچسب:
نویسنده: نوید حیدری